___ غرائب :
أعلنت والدة زين يوسف، الطفل الأشهر في مصر، وبطل إعلان "زين هو التحدي"، أخبارا غير سارة عبر صفحتها الرسمية على موقع التواصل الاجتماعي "فيس بوك".
وكتبت رضوى يوسف، والدة الطفل الذي كان يعاني من مرض السرطان وشُفي منه قبل أن يعاود المرض مهاجمته ثانية: "كان نفسي أطمنكوا النهارده وأقولكم أخبار حلوة.. إنتو عارفين إن الأسبوع اللي فات السخيف ده بيبقى صعب علينا، بالذات زين، بيستحمل وجع وألم وبيصبر ويصمد، إن كان من إبر لأدوية لأجهزة مطلوب منه يثبت فيها بالساعات وأكتر كمان، زين متعافي بقاله سنتين ولكن نوع السرطان اللي عنده سرطان الخلايا الجذعية أو (neuroblastoma) من أخبث وأشرس الأواع اللي ممكن يرجع في أي وقت وبدون مقدمات، وعشان كده إحنا لازم نعمل اختبارات وتحاليل كل 3 شهور بالضبط".
وعبرت رضوى عن قلقها: "يوم الجمعة الدكتورة كلمتني وقالتلي بالحرف أنا شايفة حاجة في الكلى، ماعرفش هي إيه ومش متأكدة بس محتاجين اختبارات أكتر، كلمة حاجة في حد ذاتها مرعبة لأنها ممكن تبقي ميت ألف حاجة! ممكن تبقى سرطان تاني، أو أعراض جانبية من الأدوية اللي أخدها أو نوع سرطان جديد، الاحتمالات كتير وكلها مخيفة، الرؤية لسة مش واضحة وبنعتبر ده اختبار جديد من ربنا سبحانه وتعالى".
وعن خطتها لمواجهة المرض كتبت رضوى: "الخطة هي إننا نمسك نفسنا لحد ما نعرف ونفهم، مش حكدب وأقول إحنا أقويا وعادي، لا إحنا خايفين ومرعوبين ومتماسكين بالعافية أنا وتامر عشان الأولاد، بس حقولكوا إننا مؤمنين جدا جدا بأن الدعاء يغير القدر، وكل طلبنا هو إن إنتوا تدعوا وتصلوا معانا إن ربنا يعرفنا اللي بيحصل وإنه مايبقاش سرطان ويكون حاجة صغيرة، وإنه يقوي زين ويقوينا". 

0 التعليقات:

Post a Comment