___ غرائب :
دخلت الإعلامية بسمة وهبة، في نوبة من البكاء على الهواء بسبب معايرة إحدى السيدات لها بأنها كانت تتلقى أموالًا من زوجها الأول سعودي الجنسية من أجل أن تصرف على أسرتها ووالدها، موضحة أن تلك الواقعة صحيحة ولا تخجل من ذكرها.
وأضافت "وهبة"، خلال تقديمها برنامج "هنا القاهرة"، على قناة "القاهرة والناس"، أن مساعدتها لأسرتها ليس تهمة، مستطردة: "عمري ما قولت أبويا مليونير، ولا أنا مولودة غنية، أنا أبويا موظف محترم وأخلاقه الناس بتتحاكى بيها".
وتابعت: "جزمة أبويا على دماغي من فوق وأي حد من أسرتي، لو أطول أمشي بجزمهم على دماغي أعمل كدة، أساعدهم، ومش هتأخر عنهم، أبويا تعب في تربيتي عشان أكون أنا بسمة وهبة اللي قاعدة قدامكم، لما ربنا يكرمني مش عاوزني أعمل معروف مع أهلي إزاي، أنا مش قليلة الأصل".